Բաժանորդագրվեք araratnews-ի տելեգրամ ալիքին։
Գերմանիան պատասխանել է Վրաստանի խորհրդարանի խոսնակի մեղադրանքներին։
«Գերմանիայի արտաքին գործերի նախարարությունը կտրականապես մերժում և դատապարտում է պարոն Պապուաշվիլիի անհիմն մեղադրանքները: Մենք մտահոգված ենք, որ նա ակտիվորեն խաթարում է վրաց-գերմանական հարաբերությունները՝ տարածելով ապատեղեկատվություն և պառակտիչ պատմություններ», - ասվում է Գերմանիայի արտաքին գործերի նախարարության խոսնակի հայտարարության մեջ։
«Գերմանիան կրկին կոչ է անում Վրաստանի իշխանություններին դադարեցնել Եվրամիության և Գերմանիայի դիրքորոշումների և քաղաքականության վերաբերյալ կեղծ պատմությունների տարածումը և փոխել իրենց ներկայիս քաղաքական կուրսը», - ասվում է հայտարարության մեջ:
Հիշեցնենք, որ մի քանի օր առաջ Վրաստանի խորհրդարանի նախագահ Շալվա Պապուաշվիլին սոցիալական ցանցում գրել էր, որ Գերմանիայի դեսպանի աջակցությամբ «տուտուցները» հարձակվել են «Վրացական երազանքի» Թբիլիսիի գլխավոր գրասենյակի վրա: