Բաժանորդագրվեք araratnews-ի տելեգրամ ալիքին։
Նախագահի հրամանագրով Քննչական կոմիտեի և Հակակոռուպցիոն կոմիտեի որոշ աշխատակիցներ պարգևատրվել են պետական պարգևներով:
«Հիմք ընդունելով վարչապետի միջնորդությունը՝ համաձայն Սահմանադրության 136-րդ հոդվածի և «Հայաստանի Հանրապետության պետական պարգևների և պատվավոր կոչումների մասին» օրենքի 5.3-րդ հոդվածի 1-ին մասի.
Անկախության տոնի առթիվ, սահմանադրական կարգի պահպանության, իրավակարգի և օրինականության ամրապնդման գործում ներդրած ավանդի համար պարգևատրել.
«Հայրենիքին մատուցած ծառայությունների համար» 2-րդ աստիճանի մեդալով՝
Գրիգոր Գևորգի Մնոյանին՝ Հայաստանի Հանրապետության քննչական կոմիտեի պետության, սահմանադրական կարգի հիմունքների և հասարակական անվտանգության դեմ ուղղված հանցագործությունների քննության գլխավոր վարչության առաջին վարչության պետի տեղակալ (հատկապես կարևոր գործերով ավագ քննիչ)
Մխիթար Գոշի մեդալով՝
Արթուր Սամվելի Մելիքյանին՝ Հայաստանի Հանրապետության քննչական կոմիտեի պետության, սահմանադրական կարգի հիմունքների և հասարակական անվտանգության դեմ ուղղված հանցագործությունների քննության գլխավոր վարչության առաջին վարչության պետ
Սմբատ Ատոմի Մխիթարյանին՝ Հայաստանի Հանրապետության հակակոռուպցիոն կոմիտեի սեփականության դեմ ուղղված կոռուպցիոն բնույթի հանցագործությունների քննության վարչության պետի տեղակալ
Արթուր Մուրադի Սարգսյանին՝ Հայաստանի Հանրապետության հակակոռուպցիոն կոմիտեի հանրային ծառայության շահերի դեմ ուղղված կոռուպցիոն բնույթի հանցագործությունների քննության վարչության պետի տեղակալ»,- ասված է հրամանագրում: