Բաժանորդագրվեք araratnews-ի  տելեգրամ ալիքին։

Հունվարի 8-ին՝ ժամը 20։24-ին, Սյունիքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Լեռնաձոր գյուղում այրվում է ավտոտնակ:

Այս մասին հայտնում է ՆԳՆ փրկարար ծառայությունը:

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատներից երեք մարտական հաշվարկ։

Պարզվել է, որ հրդեհը բռնկվել է Լեռնաձոր գյուղի 5-րդ թաղամասի տներից մեկին հարակից ավտոտնակում:

Հրդեհը մեկուսացվել է ժամը 21:27-ին, մարվել՝ 22:10-ին: Մեկ քաղաքացի հոսպիտալացվել է բժշկական կենտրոն:

Այրվել են ավտոտնակի փայտե կառուցատարրերը, ներսում կայանած «Օպել» մակնիշի ավտոմեքենան, իսկ հարակից խորդանոցում՝ կենցաղային իրեր:

Հրշեջ-փրկարարները կանխել են հրդեհի տարածումը դեպի մոտակա բնակելի տուն: