Բաժանորդագրվեք araratnews-ի տելեգրամ ալիքին։
Իսրայելի վարչապետ Բենիամին Նեթանյահուն հայտարարել է՝ Իսրայելի կառավարության և Վաշինգտոնի վարչակազմի միջև քաղաքականության հարցերում, այդ թվում՝ Իրանի հարցում, տարաձայնություններ չկան։
«Ես չեմ կարծում, որ տարաձայնություններ կան»,- վստահեցրել է նա Fox News-ի եթերում, խոսելով երկու երկրների միջև հարաբերությունների մասին։ «Ամերիկան մեզ անվանել է օրինակելի դաշնակիցներ, քանի որ, ի տարբերություն ձեր այսպես կոչված դաշնակիցներից շատերի, մենք իրականում կռվում ենք ձեզ հետ կողք կողքի»,- ընդգծել է նա։
«Կարծում եմ՝ իրական հարցն այն է, թե արդյոք մենք տարբեր նպատակներ ունենք Իրանի հետ կապված․ պատասխանը «ոչ» է»,- հավելել է Նեթանյահուն, նշելով, որ ունեն ընդհանուր նպատակներ, որպեսզի Իրանը հրաժարվի իր միջուկային զենքի ծրագրից։
Շաբաթ օրը ԱՄՆ նախագահ Դոնալդ Թրամփը Axios-ին ասել է, որ պատրաստ է հաջորդ շաբաթ ԱՄՆ-ում հանդիպել Նեթանյահուի հետ։