Բաժանորդագրվեք araratnews-ի տելեգրամ ալիքին։
Լոնդոնի Հիթրոու օդանավակայանը զիջել է Եվրոպայի ամենածանրաբեռնված օդանավակայանի իր կարգավիճակը Ստամբուլի օդանավակայանին։ Այս մասին հայտնում է BBC-ն՝ հղում անելով նոր տվյալներին։
Հուլիսին Հիթրոուի չորս տերմինալներով տեղափոխվել է 7.86 միլիոն ուղևոր, մինչդեռ Ստամբուլի օդանավակայանում այդ ցուցանիշը կազմել է 8.15 միլիոն։ Մերձավոր Արևելքում ԱՄՆ-ի և Իսրայելի հակամարտությունն Իրանի հետ զգալիորեն ազդել է Հիթրոուի ցուցանիշների վրա. Մերձավոր Արևելք ուղղվող չվերթների ուղևորահոսքը հուլիսին նախորդ տարվա համեմատ նվազել է 20.2%-ով:
Airports Council International միջազգային կազմակերպության տվյալներով՝ Հիթրոուը Եվրոպայի ամենածանրաբեռնված օդանավակայանն էր 1996-2019 թվականներին։ Այն կորցրել էր այդ տիտղոսը 2020 թվականին՝ կորոնավիրուսային սահմանափակումների պատճառով, սակայն 2023-ին կրկին վերականգնել էր այն և պահպանել մինչ օրս։
Ներկայումս Հիթրոուի երկու թռիչքուղիներն աշխատում են գրեթե լրացնող ծանրաբեռնվածությամբ, և օդանավակայանի ղեկավարությունը ձգտում է կառավարությունից թույլտվություն ստանալ երրորդ թռիչքուղին կառուցելու համար, ինչը թույլ կտա տարեկան սպասարկել մինչև 150 միլիոն ուղևոր: Օդանավակայանը 2025 թվականին ընդհանուր առմամբ գրանցել էր 84.46 միլիոն ուղևոր: