Բաժանորդագրվեք araratnews-ի տելեգրամ ալիքին։
Evocabank-ը և IFC Europe & Central Asia-ն մեկնարկում են IFC-ի՝ Եվրոպայի տարածաշրջանում բնապահպանությանն ուղղված ֆինանսավորման առաջին ծրագիրը։
IFC-ն Evocabank-ին տրամադրել է 10 մլն դոլարի վարկ` Հայաստանում միկրո, փոքր և միջին ձեռնարկություններին (ՄՓՄՁ) հետագա վարկավորման նպատակով։ Ֆինանսավորման մի մասը կուղղվի բնապահպանական ծրագրերին՝ նպաստելով աշխատատեղերի ստեղծմանը, բնության պահպանությանը և բնական ռեսուրսների կայուն օգտագործմանը։
Սա Եվրոպայի տարածաշրջանում IFC-ի՝ բնապահպանական ուղղվածություն ունեցող առաջին նպատակային ֆինանսավորումն է, որը նոր հնարավորություններ է ստեղծում բնության պահպանությանն ու բնական ռեսուրսների կայուն օգտագործմանը նպաստող բիզնեսներին աջակցելու համար։ Այս գործարքն ընդլայնում է կայուն ֆինանսավորման շրջանակը՝ բնապահպանական գործոններն առավել անմիջականորեն ինտեգրելով վարկավորման գործընթացում և խրախուսելով այնպիսի ներդրումներ, որոնք տնտեսական արժեք ստեղծելու հետ մեկտեղ ապահովում են դրական արդյունքներ շրջակա միջավայրի համար։
Evocabank-ի Վարչության նախագահ Karen Yeghiazaryan-ը նշեց. «Evocabank-ում մենք հավատացած ենք, որ ժամանակակից ֆինանսական կազմակերպությունների դերը չի սահմանափակվում միայն ֆինանսավորում տրամադրելով։ Այն ենթադրում է նաև կապիտալի ուղղորդում դեպի այնպիսի նախաձեռնություններ, որոնք երկարաժամկետ արժեք են ստեղծում տնտեսության և շրջակա միջավայրի համար։ IFC-ի հետ մեր գործընկերությունը կարևոր քայլ է այս ճանապարհին, քանի որ սա Եվրոպայի տարածաշրջանում բնապահպանական նպատակային ֆինանսավորման առաջին գործարքն է։ Այս համագործակցության նպատակն է աջակցել այն բիզնեսներին, որոնք նպաստում են բնության պահպանությանն ու բնական ռեսուրսների կայուն օգտագործմանը։ Մենք սա դիտարկում ենք որպես Հայաստանում կայուն ֆինանսավորման սահմաններն ընդլայնելու հնարավորություն և ապացուցում ենք, որ տնտեսական զարգացումն ու բնության պահպանությունը կարող են ընթանալ ձեռք ձեռքի տված»։
Evocabank-ը վերահսկվում է ՀՀ ԿԲ-ի կողմից։