Ժամը 9․15-ի դրությամբ Շիրակի մարզի Արթիկի տարածաշրջանի ավտոճանապարհներին ձյուն է տեղում, իսկ Աշոցքում բուքը շարունակվում է։ ՀՀ միջպետական, հանրապետական, մարզային նշանակության բոլոր ճանապարհները բաց են: Այս մասին հայտնում են Շիրակի մարզպետարանից:

«Աշոցքի, Ախուրյանի և Արթիկի տարածաշրջաններում կան դժվարանցանելի ճանապարհահատվածներ և առկա է մերկասառույց։ Սպասարկող ընկերություների կողմից կատարվում են ճանապարհների երթևեկելի հատվածների ձյան մաքրման և աղ ավազով մշակման աշխատանքներ։

Այս պահին մարզի ճանապարհներին աշխատում է 15 միավոր տեխնիկա։ Վարորդներին հորդորում ենք երթևեկել խիստ անհրաժեշտության դեպքում և ձմեռային անվադողերով»,- ասված է հայտարարությունում։

18 Փետրվար, 2021 10:12
85
; ;