Հայաստանի Գավաթի խաղարկության քառորդ եզրափակչի պատասխան խաղը «Ալաշկերտը» հյուրընկալվելիս մրցել է ԲԿՄԱ-ի հետ ու 2-1 հաշվով հաղթանակ տարել: Աբրահամ Խաշմանյանի թիմը, որն առաջին խաղում 4-0 հաշվով առավելության էր հասել սեփական հարկի տակ, դուրս է եկել կիսաեզրափակիչ՝ դիմակայության ընդհանուր հաշիվը հասցնելով 6-1-ի:

Պատասխան խաղի հաշիվը բացել են «Ալաշկերտի» ֆուտբոլիստները. 23-րդ րոպեին Ալեքսանդր Գլիշիչն է գրավել բանակայինների դարպասն ու առաջ մղել իր թիմին: Ռաֆայել Նազարյանի թիմի կազմում պատասխան գնդակը հեղինակել է Ժիրայր Շաղոյանը՝ աչքի ընկնելով առաջին կեսին ավելացված երկրորդ րոպեին:

Այդուհանդերձ, երկրորդ կեսում «Ալաշկերտի» նիգերիացի կիսապաշտպան Սանդի Նգբեդեն աչքի է ընկել խփած գնդակով ու առաջ մղել իր թիմին:

 

Աղբյուր՝ armsport.am

05 Ապրիլ, 2021 17:06
67
; ;