ՀՀ վարչապետի պաշտոնակատար Նիկոլ Փաշինյանը դիմել է ՌԴ նախագահ Վլադիմիր Պուտինին՝ փոխօգնության եւ փոխհամագործակցության պայմանագրի շրջանակներում ռազմական օգնության հարցով։ Ազգային ժողովում լրագրողների հետ զրույցում այս մասին տեղեկացրեց ԱԺ փոխնախագահ Ալեն Սիմոնյանը։ 

«Բացի այդ, այս պահին նաեւ փաստաթղթերը մուտք են արվում ՀԱՊԿ համապատասխան խողովակներով, պաշտոնապես դիմել ենք ՀԱՊԿ-ին, քանի որ սա ՀԱՊԿ տարածք է նաեւ»,- ասաց նա։

Հարցին, թե հնարավո՞ր է ասել, որ Ադրբեջանը մեզ պատերազմ է հայտարարել, ԱԺ փոխնախագահը պատասխանեց. «Ոչ, նման բան չենք կարող ասել: Սկսենք նրանից, որ որեւէ կրակոց եւ ընդհարում տեղի չեն ունեցել, սակայն տարբեր տեղաշարժեր են տեղի ունեցել»,- ասաց Սիմոնյանը։

armtimes.com

903