«Ես գործադիրի մարդ եմ, օրենսդիր մարմնում լավ չեմ պատկերացնում»,- այս մասին այսօր հայտարարեց Ռոբերտ Քոչարյանը՝ իր գլխավորած «Հայաստան» դաշինքի հետընտրական ասուլիսի ժամանակ։ 

Լրագրողի այն հարցին, թե պատրաստվում է արդյոք  վերցնել մանդատը, Ռոբերտ Քոչարյանը պատասխանեց, որ իրենց թիմում տարբեր կարծիքներ կան այդ հարցի առնչությամբ։

«Մեր թիմում տարբեր կարծիքներ կան։ Մի մասը պնդում են եւ համարում են, որ ճիշտ է, որ ես լինեմ խորհրդարանում եւ ամբիոնը օգտագործեմ քաղաքական պայքարի համար։ Մի մասը համարում է, որ չարժի։ Ես անձնապես այդպիսի ցանկություն չունեմ, ես ավելի շատ հակված եմ դա չանելու։ Բայց վերջնական որոշում դեռ չունեմ»,- ասաց Քոչարյանը։ 

 

22 Հունիս, 2021 11:51
1469
; ;