Ֆուտբոլի Եվրոպայի 2020 թվականի առաջնության 1/8 եզրափակիչ խաղում Իտալիայի հավաքակիանը լրացուցիչ ժամանակում հաղթեց Ավստրիային և մտավ քառորդ եզրափակիչ:

Հանդիպման հիմնական ժամանակն ավարտվեց ոչ-ոքի` 0:0: Լրացուցիչ ժամանակում իտալացիները 10 րոպեում երկու գոլ խփեցին, որին ավստրիացիները պատասխանեցին մեկով: Այդպիսով, Իտալիայի հավաքականը առավելության հասավ 2:1 հաշվով և շարունակեց իր հաղթարշավը:

Իտալացի ֆուտբոլիստները սահմանեցին երկու ռեկորդ: Նրանք այդ խաղում տարան 12-րդ անընդմեջ հաղթանակը, բացի այդ անպարտելի հանդիպումների քանակը հասցրին 31-ի: Այդպիսով, Ռոբերտո Մանչինիի թիմը գերազանցեց աշխարհի չեմպիոն Վիտորիո Պոցոյի թիմին, որը 1935-39թթ անպարտելի էր մնացել 30 հանդիպումներում:

Իտալիայի հավաքականը քառորդ եզրափակիչում կհանդիպի Բելգիա – Պորտուգալիա զույգի հաղթողի հետ:

Խաղի վիճակագրություն

Իտալիա - Ավստրիա

52 % - Գնդակի տիրապետում - 48 %

27 - Հարվածներ - 16

22 -  Խախտումներ - 14

4 - Անկյունայիններ - 3

4 - Խաղից դուրս - 2