Իրանի Mehr գործակալությունը փոխանցում է, որ Իրանի ԱԳ նախարար Հոսեյն Ամիր Աբդոլլահիանը հանդիպել է Ադրբեջանի փոխվարչապետ Շահին Մուսթաֆաևի հետ։ Հանդիպմանը քննարկվել են երկկողմ հարաբերությունները, ինչպես նաև Կովկասյան տարածաշրջանը։  

Իրանի արտգործնախարարը ընդգծել է երկու երկրների տնտեսական ներուժն օգտագործելու անհրաժեշտությունը առևտրի, տրանսպորտի ու տուրիզմի ոլորտում։ Նա նաև խոսել է երկու երկրների քաղաքացիների համար ճանապարհորդությունների սահմանափակումների մեղմացման և թռիչքների վերականգնման անհրաժեշտության մասին։

Իրանցի պաշտոնյան հիշեցրել է Իրանի Իսլամական Հանրապետության մշտական դիրքորոշումը՝ երկրների տարածքային ամբողջականության սատարման վերաբերյալ, և շեշտել տարածաշրջանում միջազգային սահմանների անփոփոխելիությունը։ 

454