Ֆրանսիայի նախագահ Էմանուել Մակրոնը մասնավոր կերպով Մեծ Բրիտանիայի վարչապետ Բորիս Ջոնսոնին անվանել է «ծաղրածու», իսկ նրա վարչակազմը՝ «կրկես»։ Այս մասին գրում է The Guardian-ը։
Մակրոնը Լա Մանշում տեղի ունեցած ողբերգության մասին հեռախոսազրույցից հետո վատ է խոսել Ջոնսոնի մասին։
Կողմերը կատարվածի մեջ մեղադրում են միմյանց, և ներկայումս չեն կարողանում պայմանավորվել նման դեպքերը կանխելու միջոցների շուրջ։
«Տխուր է տեսնել, թե ինչպես է ծաղրածուն ղեկավարում մի մեծ երկիր, որի հետ մենք կարող ենք շատ լավ գործարքներ անել: Brexit-ը Ջոնսոնի կրկեսի մեկնարկային կետն է»,- ասել է Մակրոնը այն բանից հետո, երբ Ջոնսոնի Twitter-ի նամակը հորդորել է Ֆրանսիայի առաջնորդին ընդունել հինգ կետից բաղկացած ծրագիրը:
Մակրոնի կարծիքով, Ջոնսոնը փորձում է իրեն որպես զոհ ներկայացնել՝ Brexit-ի «աղետալի» արդյունքի համար մեղադրանքներից խուսափելու համար։
Հիշեցնենք, որ Լա Մանշում նոյեմբերի 24-ին խեղդվել են 27 միգրանտ։ Նրանք Ֆրանսիայից նավով ուղեւորվում էին Մեծ Բրիտանիայի ափեր Լա Մանշի վրայով։