Պենտագոնը չի հավատում, որ ամերիկյան հետախուզական ինքնաթիռը կարող է սպառնալ «Աերոֆլոտ»-ի ինքնաթիռին Սև ծովի երկնքում։ Այս մասին երկուշաբթի օրը հայտարարել է ԱՄՆ պաշտպանության նախարարության մամուլի քարտուղար Ջոն Քիրբին։

«Նման ռիսկ չի եղել»,- նշել է նա։ Քիրբինի խոսքով՝ ամերիկյան ինքնաթիռը «ոչ մի անապահով կամ ոչ պրոֆեսիոնալ մանևր չի կատարել», և «այդ իրավիճակը պարզապես կարգավորվել է օդային երթևեկության հսկողության պաշտոնյաների սովորական ընթացակարգերի օգնությամբ»։

Դեկտեմբերի 3-ին ՌԴ պաշտպանության ազգային կառավարման կենտրոնը հայտնել է, որ ռուսական Սու-27 և Սու-30 կործանիչներ օդ են բարձրացվել՝ ուղեկցելու ԱՄՆ ռազմաօդային ուժերի RC-135 ռազմավարական հետախուզական ինքնաթիռը և CL-600 ARTEMIS հետախուզական թիրախը։

182