Չեչնիայի ղեկավար Ռամզան Կադիրովը մամուլի ասուլիսում ասել է, որ ակնկալում է Թուրքիայի ղեկավարության արձագանքը ՌԴ ԱԳՆ հայտարարություններին՝ կապված Թուրքիայի Քերֆեզ քաղաքում Ջոհար Դուդաևի անվան զբոսայգու բացման հետ։
Ավելի վաղ հաղորդվել էր, որ Թուրքիայի հյուսիս-արեւմուտքում գտնվող Քոջաելի նահանգի Քերֆեզ քաղաքում այգի է բացվել, որը տեղի իշխանությունները անվանել են ահաբեկիչ Դուդաեւի անունով։ Այդ կապակցությամբ Կադիրովը Telegram ալիքում մեղադրել է թուրքական իշխանություններին Ռուսաստանում հանցագործություններ կատարած ահաբեկիչներին աջակցելու մեջ, իսկ ՌԴ ԱԳՆ-ին կոչ է արել դիվանագիտական միջոցներ ձեռնարկել։ Արտաքին գործերի նախարարության խոսնակ Մարիա Զախարովան, մեկնաբանելով այգու բացումը, ընդգծել է, որ նման գործողություններն անընդունելի են, հակասում են երկու երկրների հարաբերությունների ոգուն և պահանջում են խիստ դատապարտում: Նախագահի մամուլի քարտուղար Դմիտրի Պեսկովը Չեչնիայի բնակիչների համար ցավալի է անվանել թուրքական իշխանությունների որոշումը՝ այգին անվանակոչել ահաբեկչի անունը, որը փորձել է գրավել ռուսական շրջանը։