Բաժանորդագրվեք araratnews-ի տելեգրամ ալիքին։
Մի շարք թուրքական լրատվականներ հաղորդել են, որ հուլիսի 24-ին Չեչնիայի առաջնորդ Ռամզան Կադիրովը, իբր, գրեթե խեղդվելիս է եղել Բոդրումում հանգստանալիս և տեղափոխվել է հիվանդանոց: Սակայն այս լուրի աղբյուրները, ինչպես նաև դրանում ներկայացված մանրամասները, հարցեր են առաջացնում։
Ըստ թուրքական GZT լրատվամիջոցների հուլիսի 24-ի հրապարակման՝ Կադիրովը նույն օրը հանգստանալիս է եղել Բոդրումի Քայնար շրջանում գտնվող հինգաստղանի հյուրանոցում, երբ որոշել է կեսօրին մոտ լողափ գնալ:
Հրատարակության համաձայն՝ նա հանկարծ սկսել է խեղդվել ջրում և նկատվել է առափնյա պահպանության աշխատակիցների կողմից, որոնք օգնել են նրան և շտապօգնություն կանչել:
Նրան, իբր, առաջին բուժօգնություն են ցուցաբերել լողափին, ապա տարել մասնավոր կլինիկա, որտեղ նրա վիճակը գնահատվել է լավ: Այս հոդվածում տեղեկատվության աղբյուրը նշված չէ: