Փոփոխություններ են կատարվել երեխաների և դեռահասների համար նախատեսված անհատական պաշտպանության միջոցների, փաթեթավորման, խաղալիքների և այլ ապրանքների տեխնիկական կանոնակարգերի ստանդարտների ցանկում։
Մասնավորապես, Եվրասիական տնտեսական հանձնաժողովի կոլեգիան լրացրել է ԵԱՏՄ տեխնիկական կանոնակարգերի պահանջներն ապահովող ստանդարտների ցանկերը՝ պոլիստիրոլից, ստիրոլից և պոլիկարբոնատային համապոլիմերներից պատրաստված արտադրանքներում բութադիենի և քլորոբենզոլի միգրացիայի մակարդակը որոշելու մեթոդներով։
Մինչ այժմ ստանդարտների ցանկերը չեն ներառել նշված մեթոդները (ջրային միջավայր բութադիենի միգրացիայի մակարդակը և օդում քլորոբենզոլի միգրացիայի մակարդակը որոշելու մեթոդները, հեղ)։
Մեթոդները մշակվել են Հանձնաժողովի կողմից իրականացված համապատասխան գիտահետազոտական աշխատանքների արդյունքների հիման վրա։
Այս լրացումը վերաբերում է ԵԱՏՄ մի շարք տեխնիկական կանոնակարգերին, որոնք կապ ունեն երեխաների և դեռահասների համար նախատեսված ապրանքների արտադրության հետ։
Նշենք, որ Հայաստանում, ինչպես նաև՝ ԵԱՏՄ անդամ մյուս երկրներում, խաղալիքները, նախքան շուկայում շրջանառության մեջ մտնելը, պետք է բավարարեն ՄՄ ՏԿ 008/2011 ( «Խաղալիքների անվտանգության մասին») տեխնիկական կանոնակարգի բոլոր պահանջները։
Մանրամասները՝ սկզբնաղբյուր կայքում։