ԱՄՆ-ում Ռուսաստանի դեսպան Անատոլի Անտոնովը խոսել է Ռուսաստանի դիվանագիտական ​​առաքելության այն աշխատակիցների մասին, ովքեր այս տարի կլքեն երկիրը։ Նրա մեկնաբանությունը հրապարակվել է ՌԴ դեսպանատան ֆեյսբուքյան էջում։

Անտոնովը նշել է, որ 2021 թվականի սեպտեմբերին Միացյալ Նահանգները Ռուսաստանի Դաշնությանը հանձնել է ՌԴ երկկողմ դիվանագիտական ​​առաքելությունների 55 աշխատակիցների ցուցակը, որոնց հրաման է տրվել երկու փուլով լքել ԱՄՆ-ը 2022 թվականին։

«Քսանյոթ աշխատակից պետք է լքի երկիրը մինչև հունվարի 30-ը, ևս 28-ը մինչև այս տարվա հունիսի 30-ը։ Մինչ օրս առաջին խմբից լքել է 23 աշխատակից, ևս 4 հոգի հայրենիք  կվերադառնան հունվարի 29-ին»,- ասել է Անտոնովը։

Նրա խոսքով, այս արտաքսումից հետո ԱՄՆ-ում ՌԴ դեսպանատանը մնում է 184 աշխատակից (դիվանագետներ և վարչական ու տեխնիկական անձնակազմ)։

Դեսպանը նաև ընդգծել է, որ այս իրավիճակում Մոսկվան իրեն իրավունք է վերապահում հակահարված տալ և ցանկացած պարագայում մտադիր է գործել փոխադարձության սկզբունքով։

«Ռուսական կողմը կողմ է ԱՄՆ-ում և Ռուսաստանում դիվանագետների համար նորմալ կենսապայմանների ստեղծմանը։ Մեր առաջարկը՝ չեղարկել բոլոր սահմանափակումները, ներառյալ վիզային ոլորտը, մնում է ուժի մեջ»,- ասել է նա։

980