Հայաստանի տնտեսական ակտիվության ցուցանիշը 2022 թվականի հունվարին նախորդ տարվա հունվարի համեմատ 15.4 տոկոսով ավելացել է, այնինչ այս տարվա հունվարի ցուցանիշը 2021-ի դեկտեմբերի համեմատ նվազել է 45 տոկոսով:
Այս մասին փաստում են ՀՀ վիճակագրական կոմիտեի հրապարակած տվյալները:
Արդյունաբերական արտադրանքի ծավալը այս տարվա հունվարին նախորդ տարվա հունվարի համեմատ ավելացել է 16.6 տոկոսով, իսկ հունվարին՝ նախորդ տարվա դեկտեմբերի համեմատ՝ նվազել 37.8 տոկսով:
Շինարարության ծավալը 2022-ի հունվարին նախորդ տարվա նույն ժամանակի համեմատ ավելացել է 3 տոկոսով, իսկ դեկտեմբերի նկատմամբ՝ նվազել 86.5 տոկոսով:
Առևտրի շրջանառությունում հունվարին 2021-ի հունվարի նկատմամբ ավելացումը կազմել է 11.5 տոկոս, իսկ հունվարի ցուցանիշը նախորդ տարվա դեկտեմբերի համեմատ նվազել է 41.9 տոկոսով:
Հայաստանում 2022 թվականի հունվարին մատուցված ծառայությունների ծավալը նախորդ տարվա նույն ժամանակահատվածի նկատմամբ ավելացել է 21.2 տոկոսով, իսկ դեկտեմբերի համեմատ՝ նվազել 16.2 տոկոսով:
2022 թվականի հունվարին սպառողական գների ինդեքսը 2021-ի հունվարի համեմատ աճել է 7.1 տոկոսով, դեկտեմբերի համեմատ՝ 1.6 տոկոսով:
Արդյունաբերական արտադրանքի գների ինդեքսը հունվարին 2021-ի հունվարի համեմատ աճել է 9 տոկոսով, դեկտեմբերի համեմատ՝ 0.9 տոկոսով:
Էլեկտրաէներգիայի արտադրության ծավալն այս տարվա առաջին ամսին նախորդ տարվա նույն ժամանակի համեմատ ավելացել է 19.2 տոկոսով, իսկ դեկտեմբերի համեմատ՝ 7.1 տոկոսով:
Արտաքին առևտրաշրջանառության ծավալներում այս տարվա հունվարին նախորդ տարվա նույն ժամանակի համեմատ արձանագրել է 60.4 տոկոս աճ, իսկ, օրինակ, դեկտեմբերի ցուցանիշի համեմատ նվազել է 28.7 տոկոսով:
2022 թվականի հունվարին նախորդ տարվա նույն ժամանակի համեմատ արտահանումն աճել է 53.2 տոկոսով, իսկ ներմուծումը՝ 65 տոկոսով:
