Ամերիկացի գործարար, Tesla-ի և SpaceX-ի հիմնադիր Իլոն Մասկն իրեն անօթևան է անվանել։ TED-ին տված հարցազրույցում նա խոստովանել է, որ քնում է ընկերների մոտ։ Forbes-ի վարկածով Իլոն Մասկը աշխարհի ամենահարուստ մարդն է։ Նրա կարողությունը հասել է 269,5 միլիարդ դոլարի:
Ինժեների խոսքով՝ ինքը գումար է ծախսում միայն անհրաժեշտ հարմարությունների վրա։ «Ես չեմ հանգստանում, ես զբոսանավ չունեմ, ուստի անձնական սպառման քիչ քանակություն ունեմ: Միակ բանը, որ ունեմ` անձնական ինքնաթիռն է, բայց առանց դրա կկորցնեի աշխատանքային ժամերս»,- ասել է նա։
Մասկը պատմել է, որ այս պահին սեփական անշարժ գույք չունի և ապրում է ընկերների հետ։ Նշվում է, որ 2021 թվականի դեկտեմբերի սկզբին գործարարը վաճառել է իր վերջին տունը և պաշտոնապես դարձել անօթևան, երբ խոստացել էր 2020 թվականի մայիսին ազատվել ամբողջ ֆիզիկական ունեցվածքից։