Մայիսի 1-ին ողբերգական դեպք է տեղի ունեցել Երևանում։ Ժամը 21։10-ի սահմանում շտապօգնության 7-րդ ենթակայանից ոստիկանության Մալաթիայի բաժին ահազանգ է ստացվել, որ շտապօգնության թիվ 75 խումբը կանչով մեկնել է Շերամի փողոցի 57 շենքի բակ, որտեղ հայտնաբերել են տղամարդու դի, գրում է shamshyan.com-ը։

Ըստ աղբյուրի՝ դեպքի վայր է ժամանել ոստիկանության Մալաթիայի բաժնի օպերատիվ խումբը՝ բաժնի պետի տեղակալ Ասլանյանի գլխավորությամբ։ 

Ոստիկանները պարզել են, որ մահացածը Հաղթանակ թաղամասի բնակիչ՝ 29-ամյա Հակոբ Թ-ն է։ 

Տեղի ունեցածը ինքնասպանություն է, թե դժբախտ պատահար, պարզվում է։ 

Դեպքի փաստով նյութեր են նախապատրաստվում։ 

Հետաքննիչի որոշմամբ նշանակվել է դիակի դատաբժշկական փորձաքննություն։