Ֆրանսիացի մարզիչ Զինեդին Զիդանը չի բացառել, որ կարող է գլխավորել փարիզյան «Պարի Սեն Ժերմեն» ֆուտբոլային ակումբը։

Լրատվամիջոցները բազմիցս նշել են, որ Զիդանը հանդիսանում է ՊՍԺ-ի գլխավոր մարզչի պաշտոնի գլխավոր թեկնածուներից մեկը։

«Երբեք մի ասա երբեք.Երբ ես խաղացող էի, ես ընտրության հնարավորություն ունեի բազմաթիվ թիմերից: Որպես գլխավոր մարզիչ չեմ կարող գնալ 50 ակումբ, կա երկու-երեք տարբերակ։ Եթե ​​ես գամ որևէ թիմ, կգամ միայն հաղթելու համար»,-Զիդանի խոսքերը մեջբերում L'Equipe պարբերականը։

Զիդանի վերջին աշխատավայրը եղել է Մադրիդի «Ռեալը», որը նա թողել է անցած մայիսին: Ավելի վաղ «Պարի Սեն Ժերմենի» նախագահ Նասեր Ալ-Խելաիֆին ասել էր, որ ակումբը երբեք չի բանակցել Զիդանի հետ թիմի գլխավոր մարզչի պաշտոնում նրա նշանակման շուրջ։

241