Կարագի գինը էժանացել է և դա ներկայացված է թվերով, գնանկումը սկսել  է մարտ ամսից: Այս մասին Կառավարության հերթական նիստից հետո լրագրողների հետ ճեպազրույցին ասաց ՄՊՀ նախագահ Գեղամ Գևորգյանը:

«Նորզելանդական կարագի մեկ կիլոգրամի  գինը 4692 դրամից իջել է 4400 դրամ, «Անկոր» տեսակի կարագի գինը 5038 դրամից՝ 4690 դրամ»,- ասաց նա և նշեց, որ   նպատակ ունեն ներդնել այնպիսի մեխանիզմ, որ յուրաքանչյուրը կարողանա ստուգել՝ գների փոփոխությունը և շուկայի վրա ազդեցությունը իրավաչա՞փ է, թե՞ ոչ:

«Այն պնդումները, որ դոլարային փոխարժեքի հետ գները չեն իջել, իրականությանը չեն համապատասխանում: Ես չեմ բացառում, որ կլինեն տնտեսվարողներ և ոլորտներ, որտեղ կա չարաշահում»,- ասաց նա հիշեցրեց, որ ՄՊՀ-ն գների կարգավորմամբ չի զբաղվում: