Հասարակական գործիչ Դանիել Իոնիսյանը գրում է.
Հավաստի Աղբյուրի մեթոդը պետք է, որ օգտակար լինի
Առնվազն 25 տարի է, ինչ հանրության ու հանրային դիսկուրսի զգալի մասը գտնվում են զուգահեռ իրականության մեջ: Պետության ղեկավարները մի բան են բանակցում, բայց երկրի ներսում այլ բան են խոսում:
Եվ, կարծում եմ, կարիքը չկա ասելու, թե որքան ենք մենք դրանից տուժել:
Հավաստի Աղբյուրի միջոցով (մեթոդով), Նիկոլ Փաշինյանը, հերթական փորձն է անում վերացնելու այդ ջրբաժանը ու հանրությանը հանելու զուգահեռ իրականությունից:
Պետության ղեկավարը, ի պաշտոնե, չի կարող բաց ասել այն, ինչ ուզում է հասցնի հանրությանը: Այլ երկրներում դա կոմպենսացվում է իշխանական թիմերի կոմունիկացիայով և հանրությունների գրագիտությամբ, բայց Հայաստանում երկուսի վիճակն էլ ճոխ չի:
Ես չգիտեմ, թե ինչով կպրծնի Հավաստի Աղբյուրի միջոցով հանրության հետ շփումները, բայց ուղիղ տեքստով եղելության մասին խոսելը, վստահաբար, թուլացնելու է լեգենդների, ավելորդ ռոմանտիզմի ու մանիպուլյացիաների ազդեցությունը հանրային կարծիքի վրա:
Ավելին, Հավաստի Աղբյուրի մեթոդի շնորհիվ հանրությանը նաև պարզ է դառնում, թե արտաքին քաղաքական այս կամ այն հարցի շուրջ ինչ պատկերացումներ ու ընկալումներ ունի իշխանությունը:
Հ.Գ. Մնում է, որ Հավաստի Աղբյուրի մեթոդը շատ խիստ չընկալվի այլ պետությունների ղեկավարների կողմից: