Թուրքիայի արտաքին գործերի նախարար Մևլութ Չավուշօղլուն երկուշաբթի օրը հայտարարել է, որ Ֆինլանդիայի և Շվեդիայի հետ բանակցությունները ՆԱՏՕ-ին իրենց անդամակցության շուրջ շարունակվում են դրական ոգով, սակայն նրանք դեռ պետք է որոշակի քայլեր ձեռնարկեն՝ Անկարայի հետ ստորագրված ահաբեկչության դեմ պայքարի հուշագրի իրականացման համար։

«Գործընթացը դրականորեն է ընթանում, բայց դեռ կան քայլեր, որոնք նրանք (Ֆինլանդիան և Շվեդիան) պետք է անեն: Առաջին հերթին դա վերաբերում է Շվեդիային»,- ասել է Չավուշօղլուն՝ պատասխանելով լրագրողների հարցերին։

Նրա խոսքով, երեքշաբթի օրը ինքը շփումներ կունենա Բուխարեստում՝ ՆԱՏՕ-ի արտգործնախարարների հանդիպման շրջանակներում սկանդինավյան երկրների գործընկերների հետ։

269