Ֆուտբոլի աշխարհի առաջնության 3-րդ տուրի խաղում Լուսայիլի «Լուսայիլ այկոնիկ» մարզադաշտում հանդիպեցին C խմբի թիմերը՝ Սաուդյան Արաբիան և Մեքսիկան։ Հանդիպումն ավարտվեց 1։2 հաշվով՝ հօգուտ Մեքսիկայի։ 

Երկրորդ խաղակեսի 56-րդ րոպեին հաշիվը 2։0 էր՝ հօգուտ Մեքսիկայի։ 52-րդ րոպեին մեքսիկացիների կազմում երկրորդ գնդակը խփեց կիսապաշտպան Լուիս Չավեսը։ Խաղի առաջին գոլը 48-րդ րոպեին խփեց հարձակվող Էնրի Մարտինը։

95-րդ րոպեին սաուդցի կիսապաշտպան Սալեմ Ալ-Դաուսարին մեկ գնդակ ուղարկեց մեքսիկացիների դարպասը՝ ձեւակերպելով վերջնական հաշիվը։

Այս հաղթանակը Մեքսիկային թույլ չտվեց դուրս գալ ԱԱ-2022-ի փլեյ-օֆֆ։ Նրանք երեք խաղից հետո ունեն չորս միավոր, խփած և բաց թողած գոլերի տարբերությամբ պարտվել են Լեհաստանին, որն ունի 4 միավոր (Լեհաստան 2։2, Մեքսիկա 2։3):

 

 

511