Լեհաստանը նախատեսում է պաշտպանական ծախսերը հասցնել իր ՀՆԱ-ի 4%-ին, անցած երկուշաբթի հայտարարել է վարչապետ Մատեուշ Մորավիեցկին: Դա կարող է հանգեցնել այն բանին, որ արեւելաեվրոպական երկիրը տիրի Եվրամիության ամենամեծ բանակին, գրում է թուրքական Yeni Şafak թերթը։

Վերջին տարիներին ենթադրվում էր, որ Թուրքիան ՆԱՏՕ-ի բոլոր անդամներից ունի երկրորդ ամենահզոր (ԱՄՆ-ից հետո) ցամաքային, ռազմածովային և օդային ուժերը:

«Ուկրաինայի պատերազմը ստիպեց մեզ ավելի արագ զինվել, ուստի մենք աննախադեպ ջանքեր կգործադրենք՝ այս տարի լեհական բանակի համար ՀՆԱ-ի 4%-ը», - ասել է Մորավիեցկին:

Պաշտպանական ծախսերի բարձրացումն իր նոր թիրախին, նրա խոսքերով, «կարող է նշանակել, որ դա կլինի ՆԱՏՕ-ի ցանկացած երկրի (ռազմական ծախսերի) ամենաբարձր տոկոսը»:

2022 թվականին Լեհաստանը զինված ուժերի վրա ծախսել է ՀՆԱ-ի 2,4%-ը, ինչը Հյուսիսատլանտյան դաշինքի երրորդ ամենաբարձր ցուցանիշն է։ Ներկայումս ԱՄՆ-ն իր պաշտպանության վրա ծախսում է 3,47%-ը (822 մլրդ դոլար):

Ակնկալվում է, որ մինչև 2024 թվականը ՆԱՏՕ-ի ներկայիս 30 անդամներից շատերը պաշտպանության ծախսերը կհասցնեն ՀՆԱ-ի առնվազն 2%-ին:

Մինչև 2035 թվականը Վարշավան նախատեսում է 100 միլիարդ դոլար ծախսել ռազմական կարիքների համար, արդեն 10 միլիարդ դոլար է հատկացրել ԱՄՆ-ից և Հարավային Կորեայից զենք և ռազմական տեխնիկա՝ տանկեր, հաուբիցներ և հրթիռային համակարգեր գնելու  համար։