Իսրայելական ինքնաթիռը հարձակվել է Գազայի հատվածի վրա այն բանից հետո, երբ պաղեստինցիները հրթիռ են արձակել, հայտնում է Reuters-ը՝ վկայակոչելով ականատեսին։
«Իսրայելական ավիացիան հարվածներ է հասցրել Գազայի հատվածին այն բանից հետո, երբ պաղեստինցի զինյալները հրթիռ են արձակել սահմանից այն կողմ»,- ասվում է գործակալության հայտարարության մեջ։
Այնուհետև Իսրայելի պաշտպանության բանակը հաստատել է հարվածների մասին տեղեկությունը։
Ավելի վաղ Իսրայելի պաշտպանության բանակը հայտարարել էր Գազայի հատվածից արձակված հրթիռը որսալու մասին։
Անցյալ շաբաթ՝ ուրբաթ գիշեր, երկու կողմերն էլ փոխանակեցին հրթիռային հարվածներ։ Դա տեղի է ունեցել Հորդանան գետի արևմտյան ափի Ջենին քաղաքում պաղեստինցիների և իսրայելցի զինվորների միջև բախումներից հետո, որոնց հետևանքով առնվազն տասը պաղեստինցի է զոհվել: