Ուրբաթ առավոտյան Իրանի արևմտյան Խոյ քաղաքում 5,6 մագնիտուդ ուժգնությամբ երկրաշարժ է տեղի ունեցել, որի հետևանքով տասնյակ մարդիկ վիրավորվել են։

Իրանի Կարմիր մահիկի կազմակերպության նախնական տվյալներով՝ 68 տուժածներ դիմել են հիվանդանոցներ բժշկական օգնության համար։

Երկրաշարժը տեղի է ունեցել տեղական ժամանակով 06:16-ին, էպիկենտրոնը գտնվել է Արևմտյան Ադրբեջանի նահանգի Խոյ քաղաքում։ Օջախն ընկած էր 7 կիլոմետր խորության վրա։

Ստորգետնյա ցնցումները զգացվել են Թուրքիայի սահմանամերձ Վան և Հաքքարի նահանգներում։

Mehr գործակալությունը հիշեցնում է, որ հունվարին Խոյում ավելի ուժգին երկրաշարժ է տեղի ունեցել, որի հետեւանքով մի քանի մարդ զոհվել է, տասնյակ մարդիկ վիրավորվել։

429