Եվրամիությունում Չինաստանի Ժողովրդական Հանրապետության մշտական ներկայացուցիչ Ֆու Կոնգը հայտարարել է, որ չի բացառվում հեռախոսազրույցը կամ անձնական հանդիպումը Չինաստանի նախագահ Սի Ցզինպինի և Ուկրաինայի նախագահ Վլադիմիր Զելենսկու միջև։ Այս մասին այսօր՝ մարտի 31-ին, հայտնում է Financial Times-ից։
«Հնարավորությունը չի բացառվում»,- թերթին տված հարցազրույցում ասել է դիվանագետը՝ պատասխանելով հարակից հարցին։
Ֆու Կոնգը նաև նշել է, որ Չինաստանը կապեր է պահպանում Ուկրաինայի հետ։
Ավելի վաղ Զելենսկին հայտարարել էր Ուկրաինայում Չինաստանի նախագահ Սի Ցզինպինի հետ հանդիպելու պատրաստակամության մասին՝ նշելով, որ 2022 թվականի ընթացքում ինքը Չինաստանի ղեկավարի հետ ոչ մի շփում չի ունեցել։
Իր հերթին Չինաստանի ԱԳՆ պաշտոնական ներկայացուցիչ Մաո Նինգը հայտնել է, որ գերատեսչությունը տեղեկություն չունի Զելենսկու և Սի Ցզինպինի հնարավոր հանդիպման մասին։