«Վլադիմիր Վարդանյանը հիվանդանոց է տեղափոխվել դեմքի ձախ հոնքային շրջանի պատռված վերքով»,- այս մասին Araratnews.am-ի հետ զրույցում ասաց «Նաիրի» բժշկական կենտրոնի մամուլի խոսնակ Աննա Ղազարյանը:

Ղազարյանը տեղեկացրեց` կատարվել է առաջնային վիրաբուժական մշակում, վերքի ամբողջականությունը վերականգնվել է ներմաշկային կոսմետիկ կարով։ Վիճակը կայուն բավարար է, պատգամավորը դուրս է գրվել հիվանդանոցից:

Ավելի վաղ հայտնել էինք, որ ԱԺ պետաիրավական հանձնաժողովում՝ փակ քննարկման ժամանակ, ընդդիմադիր «Հայաստան» խմբակցության պատգամավոր Մհեր Սահակյանը հարձակվել է հանձնաժողովի նախագահ Վլադիմիր Վարդանյանի վրա, հարվածներ հասցրել նրան, ինչից հետո փախել է այդ սենյակից և թաքնվել:

 

849