Երեկ՝ մարտի 30-ին, ավտովթար է տեղի ունեցել Երևանում: Ժամը 21:20-ի սահմաններում Տիգրան Մեծ պողոտա - Երվանդ Քոչար - Խորենացի փողոցների խաչմերուկում բախվել են Երևանի բնակիչներ 23-ամյա Իշխան Թ․-ի վարած ВАЗ 2121 մակնիշի և 48-ամյա Արմեն Պ․-ի վարած Renault LOGAN մանկիշի ավտոմեքենաները:
Ինչպես հայտնում է ֆոտոլրագրող Գագիկ Շամշյանը, վթարի հետևանքով, ըստ նախնական տեղեկությունների, բարեբախտաբար, տուժածներ չկան, իսկ Нива -ն դուրս է եկել ճանապարհի երթևեկելի գոտուց, հայտնվել հետիոտնի համար նախատեսված մայթին:
Օպերատիվորեն ժամանել են ՀՀ Ներքին գործերի նախարարության Ոստիկանության Պարեկային ծառայության Երևան քաղաքի գնդի 2-րդ գումարտակի 2-րդ վաշտի պարեկները՝ գումարտակի հրամանատարի տեղակալ Դավիթ Նիկողոսյանի գլխավորությամբ:
Տեղում ուժեղացված ծառայություն են կատարել նույն վաշտի պարեկ Անդոկ Հարոյանն ու կրտսեր պարեկ Տիգրան Մեհրաբյանը:
Վարորդները տեղում ենթարկվել են սթափության փորձաքննության, եղել են սթափ:
Վթարի փաստով ՊԾ Երևանի գնդում նյութեր են նախապատրաստվում։