Սիրիայի նախագահ Բաշար ալ-Ասադը հինգշաբթի կմեկնի Սաուդյան Արաբիայի Ջիդդա քաղաք, որտեղ ուրբաթ օրը տեղի կունենա Արաբական լիգայի գագաթնաժողովը։ Այս մասին ասված է հանրապետության ղեկավարի գրասենյակի հայտարարության մեջ։

«Նախագահ Ասադը կմասնակցի արաբական 32-րդ գագաթնաժողովին ուրբաթ օրը»,- ասվում է փաստաթղթում։

Մայիսի 7-ին Կահիրեում գտնվող Արաբական լիգայի խորհուրդը որոշել է Սիրիային վերադարձնել իր տեղը տարածաշրջանային համայնքում։ Դամասկոսի անդամակցությունը Արաբական լիգային կասեցվեց 2011 թվականի նոյեմբերին ներքին ճգնաժամի գագաթնակետին, որը վերաճեց զինված հակամարտության: Փետրվարի 6-ի երկրաշարժից հետո արաբական պետությունների մեծ մասը զգալի մարդասիրական օգնություն ցուցաբերեց Սիրիային։

 

390