Իրավիճակն Ուկրաինայում և իրավիճակի սրումը չճանաչված Կոսովոյում կդառնան ՆԱՏՕ-ի երկրների արտաքին հարաբերությունների գերատեսչությունների ղեկավարների՝ Օսլոյում մեկնարկող երկօրյա հանդիպման հիմնական թեմաները։
Հանդիպումը ոչ պաշտոնական է, ուստի նրա ծրագրի մնացած մասը պաշտոնապես չի հայտարարվել, սակայն, ըստ Բրյուսելի դիվանագիտական աղբյուրների և եվրոպական լրատվամիջոցների, մասնակիցները կքննարկեն նաև հուլիսին Վիլնյուսում դաշինքի գագաթնաժողովի նախապատրաստական աշխատանքները և ռազմական ծախսերի ավելացման հարցերը։
Ինչպես երեքշաբթի հաղորդել է Politico թերթի եվրոպական հրատարակությունը, հանդիպմանը, մասնավորապես, կքննարկվի, թե ինչ կարելի է խոստանալ Ուկրաինային Վիլնյուսի գագաթնաժողովում դաշինքին միանալու փոխարեն, ինչը անհնար է շարունակվող ռազմական հակամարտության համատեքստում։ Հանդիպման ընթացքում նրանք կքննարկեն նաեւ Ուկրաինային ՆԱՏՕ-ի հետագա ռազմական օգնություն տրամադրելու հարցը։
Արտաքին գործերի գերատեսչությունների ղեկավարների հանդիպմանը հրավիրված է նաև Շվեդիան, որի մուտքը դաշինք շարունակում է արգելափակել Թուրքիան։