9 տարեկան երեխայի ստորին ծնոտից հեռացվել է հսկայական չափերի գոյացություն

Ատամի ծկթման բացակայության պատճառով «Սուրբ Աստվածամայր» բժշկական կենտրոն է դիմել 9 տարեկան երեխա: Զննմամբ պարզվել է, որ նրա մոտ առկա է թույլ արտահայտված ասիմետրիա` ի հաշիվ ստորին ծնոտի աջ կեսի արտափքման: Ներբերանային զննմամբ պարզվել է, որ լորձաթաղանթի անցման ծալքը ստորին ծնոտի աջ կեսում՝ վեստիբուլյար կողմից, թույլ արտափքված է:

Բուժկենտրոնում կատարվել է ռենտգենաբանական և ՀՇ հետազոտություն, համաձայն որի՝ հայտնաբերվել է հսկայական չափերի գոյացություն ստորին ծնոտի աջ կեսում՝ թմբիկավոր մակերեսով, անհարթ եզրերով:

Կենտրոնի պրոֆեսիոնալ վիրաբուժական թիմը՝ ի դեմս Ռոզա Կարապետյանի և Լուսինե Թովմասյանի, բաժանմունքի վարիչ Արմեն Ավագյանի ղեկավարությամբ, բարեհաջող կատարել է գոյացության հեռացում՝ պահպանելով ոսկրի ամբողջականությունը:

Պացիենտը շարունակում է մնալ բժիշկների հսկողության ներքո՝ ստորին ծնոտի շարունակական աճը վերահսկելու նպատակով:

Նշենք՝ վերջին տասնամյակների դիտարկումները ցույց են տալիս, որ դիմածնոտային շրջանի ախտահարումների մեջ ուռուցքների տեսակարար կշիռը շարունակական աճ է արձանագրում: Ցավալիորեն, նկատվում է նաև այս հիվանդության երիտասարդացում, և երբեմն անգամ դրանք հայտնաբերվում են պատահականորեն:

01 Հուլիս, 2023 14:38

978

Աշխատավարձերի մասին խեղաթյուրված տվյալներ ներկայացնելու մեխանիզմով պետությունից շուրջ 50 միլիոն դրամի հարկ է թաքցվել

16 Ապրիլ, 2024 17:37

Ավազակություն՝ հոր և որդու կողմից. հոր վերաբերյալ վարույթը մեղադրական եզրակացությամբ ուղարկվել է դատարան, որդին ինքնասպան է եղել

12 Ապրիլ, 2024 12:33

Ցեղասպանության 109-րդ տարելիցին տարբեր երկրներում նախատեսվում են ցույցեր Թուրքիայի դեսպանատան դիմաց

30 Մարտ, 2024 15:45

Ինչպես են 3 հոգով դանակահարում, ապա քացիներով սպանում 18 տարեկան ուսանողին. սարսափելի մանրամասներ

15 Մարտ, 2024 20:46

Երկու տարեկան երեխան արգելափակվել էր ավտոմեքենայում. օգնել են փրկարարները

15 Մարտ, 2023 16:13