Պրահան մարտական ուղղաթիռներ և զինամթերք կփոխանցի Կիևին: Այս մասին Չեխիայի վարչապետ Պետր Ֆիալան լրագրողներին ասել է Ուկրաինայի նախագահ Վլադիմիր Զելենսկու հետ Չեխիայի Հանրապետությունում կայացած հանդիպումից հետո։
«Չեխիան Ուկրաինային կփոխանցի մարտական ուղղաթիռներ և զինամթերք»,- ասել է Ֆիալան։ Հանրապետությունը, նրա խոսքով, կշարունակի ակտիվորեն օգնել Ուկրաինային բոլոր ոլորտներում, այդ թվում՝ պաշտպանական ոլորտում։
«Չեխիան կօգնի օդաչուների պատրաստմանը, այդ թվում՝ F-16-ի համար», - ասել է Ֆիալան։ Պրահան, մասնավորապես, Կիև կտեղափոխի ուսուցման սիմուլյատորներ, որպեսզի օդաչուները վերապատրաստվեն նաև անմիջապես Ուկրաինայում։
Խոսելով ՆԱՏՕ-ի առաջիկա գագաթնաժողովի մասին՝ վարչապետը հույս է հայտնել, որ «ՆԱՏՕ-ի բոլոր դաշնակիցները կաջակցեն Ուկրաինային ՆԱՏՕ-ին անդամակցելու իր ծրագրերի իրականացման հարցում»։ «Ուկրաինան կարող է հույս դնել Չեխիայի քվեի վրա»,- ասել է Ֆիալան։