Երևանի ավագանու «Քաղաքացիական պայմանագիր» խմբակցության քարտուղար Նուարդ Վարդանյանն այսօր լրագրողների հետ ճեպազրույցում հերքել է Կենտրոն վարչական շրջանի ղեկավար նշանակվելու վերաբերյալ լուրերը․

«Հերթական սուտ լուրն է»,- ասել է նա՝ հավելելով, որ նման խոսակցություն չի եղել, բայց կրկին շարունակվում են այդ լուրերը շրջանառվել։

Հայկ Մարությանի՝ ավագանու նիստին չմասնակցելու վերաբերյալ հարցին «Քաղաքացիական պայմանագիր» խմբակցության քարտուղարն ասաց, որ դա իրենց խնդիրն է, բայց, «որպես երևանցի», այդ քայլը սխալ է գնահատում, քանի որ երևանցին ձայն է տվել նրանց, որ նրանք բարձրաձայնեն խնդիրներ։ Վարդանյանը նշեց, որ դա «անարգանք է ժողովրդի վստահության հանդեպ»։

419