Թուրքիայում նախօրեին տեղի ունեցած երկրաշարժի հետևանքով առնվազն 37 մարդ է մահացել, 885-ը վիրավորվել են Իզմիր նահանգում:
Թուրքիայի նախագահ Ռեջեփ Թայիփ Էրդողանը եղել է դեպքի վայրում և լրագրողների հետ զրույցում հայտնել, էր փլատակների տակից 103 մարդու է հաջողվել դուրս բերել:
Ավելի վաղ հաղորդվում էր 28 մահացածների մասին:
Հիշեցնենք, որ 7.0 մագնիտուդ ուժգնությամբ երկրաշարժ էր գրանցվել Էգեյան ծովում հոկտեմբերի 30-ին: Ցնցումները զգացվել էին նաև Հունաստանում: Իսկ Թուրքիայում ավելի քան 20 հետցնցումներ էին տեղի ունեցել, որոնցից մի քանիսը՝ հզոր:
Ստորգետնյա ցնցումները գրանցվել են ընդերքի 17․26 կմ խորության վրա։ Երկրաշարժը զգացվել է նաև Իզմիրին հարակից շրջաններում, Էգեյան և Մարմարա ծովերում, Ստամբուլում և Բուրսայում։ Նախնական տեղեկությունների համաձայն՝ 21 շենք է փլուզվել։ Փլատակաների տակից դուրս է բերվել Թուրքիայի ավելի քան 70 քաղաքացի։ Կա 438 վիրավոր և 12 զոհ։
Երկրաշարժին անմիջապես հաջորդել է ցունամին։ Ջրով են ողողվել ափամերձ շրջանների որոշ փողոցներ։ Կարճ ժամանակ անց տեղի է ունեցել ևս մեկ երկրաշարժ՝ 4․3 մագնիտուդ ուժգնությամբ։
Երկրաշարժի հետևանքով բնակչության շրջանում խուճապ է առաջացել:
İzmir'den gelen görüntüler. #deprem pic.twitter.com/N1urGSVKfo
— Pusholder (@pusholder) October 30, 2020
İzmir’e ve tüm Ege’ye geçmiş olsun. Umarım can kaybı yoktur. #izmir #deprem pic.twitter.com/C0nGBrPAWI
— Dostcan Şakar (@DostcanS) October 30, 2020
Allahım sen koru #deprem #izmir pic.twitter.com/kcb9gjnNFZ
— Yiğit Morningstar (@yigitbayraktar) October 30, 2020