Իրանի արտգործնախարար Հոսեյն Ամիր Աբդոլլահիանը հեռախոսազրույց է ունեցել ՄԱԿ-ի գլխավոր քարտուղար Անտոնիո Գուտերեշի հետ, որի ընթացքում Եմենի վրա ԱՄՆ-ի և Մեծ Բրիտանիայի հարձակումը ռազմավարական սխալ է անվանել։ Այս մասին ասվում է Իրանի արտաքին գերատեսչւթյան հայտարարության մեջ, որը հրապարակվել է ԱԳՆ պաշտոնական Telegram ալիքում։
«Դիվանագիտական գերատեսչության ղեկավարը Եմենի վրա ԱՄՆ-ի և Մեծ Բրիտանիայի անօրինական հարձակումն անվանել է ռազմավարական սխալ, որը կհանգեցնի տարածաշրջանում էսկալացիայի»,- ասվում է ԱԳՆ հայտարարության մեջ։
Ըստ գերատեսչության՝ Աբդոլլահիանը նաև հաստատել է «Իսլամական Հանրապետության սկզբունքային դիրքորոշումը՝ հիմնված Կարմիր ծովում նավարկության անվտանգության ապահովման վրա» և հավելել, որ Եմենի հիմնական նպատակը Գազայի հատվածում պատերազմի ավարտն է։ Բացի այդ, ԱԳ նախարարը մտահոգություն է հայտնել Գազայի հատվածում տիրող իրավիճակի վերաբերյալ և հայտարարել այնտեղ մարդասիրական օգնություն ուղարկելու Իրանի պատրաստակամության մասին, ասվում է զեկույցում։