Օրյոլի շրջանի «Ստալկրոն» մետալուրգիական ընկերության գլխավոր տնօրենի դեմ քրեական գործ է հարուցվել դստեր նկատմամբ սեռական գործողություններ կատարելու պատճառով։
Ըստ BAZA-ի տվյալների, ԲԸ ՄԿ «Ստալկրոնի» գլխավոր տնօրեն Ալեքսեյ Սկոտնիկովի դեմ դիմումը գրել է նրա կինը, ում հետ նա ապրում է Զմիյովկա գյուղում։ Կնոջ խոսքով՝ 40-ամյա ամուսինը սեռական բնույթի ոտնձգություններ է կատարել իրենց ընդհանուր դստեր՝ 9-րդ դասարանի աշակերտուհու նկատմամբ։
Հունվարի 23-ին Ռուսաստանի Օրյոլի մարզի քննչական կոմիտեն Սկոտնիկովի դեմ քրեական գործ է հարուցել ՌԴ ՔՕ 134-րդ հոդվածի 3-րդ մասով («Սեռական հարաբերություն և սեռական բնույթի այլ գործողություններ տասնվեց տարեկանից ցածր անձի հետ»): Տղամարդը բերման է ենթարկվել։
Սկոտնիկովը զբաղեցնում է տարածաշրջանում խոշորագույններից մեկի՝ մետաղագործական «Ստալկրոն» ընկերության գլխավոր տնօրենի պաշտոնը։ Լրատվամիջոցները գրել են, որ 2021 թվականին Ստալկրոնը պլանավորում էր մոտ 4,5 միլիարդ ռուբլի ներդնել արտադրության ընդլայնման և արդիականացման համար։