Ղրղզստանի և Չինաստանի սահմանին երկրաշարժ է տեղի ունեցել

Ղրղզստանի և Չինաստանի սահմանին 5,5 մագնիտուդ երկրաշարժ է տեղի ունեցել, ուրբաթ հայտնել է Ղրղզստանի սեյսմոլոգիայի ինստիտուտը։

Ստորգետնյա ցնցումները գրանցվել են 14.13-ին: 5,5 մագնիտուդ երկրաշարժի էպիկենտրոնը գտնվել է Չինաստանում՝ հունվարի 23-ին 7 մագնիտուդ հզոր երկրաշարժի տեղանքի մոտ:

Ղրղզստանի արտակարգ իրավիճակների նախարարության նախնական տեղեկություններով՝ երկրում տեղի ունեցած երկրաշարժի հետևանքով ավերածություններ կամ զոհեր չկան։