Այսօր կառավարության նիստին, երբ քննարկվում էին ԼՂ-ից բռնի տեղահանված քաղաքացիների ՀՀ քաղաքացիություն ստանալու վերաբերյալ հարցերը, Անվտանգության խորհրդի քարտուղար Արմեն Գրիգորյանը նշեց, որ մարդկանց ամենամեծ մտավախությունը այն է, որ ՀՀ քաղաքացիություն ստանալով՝ սոցիալական աջակցությունները կդադարեն:

Սակայն փոխվարչապետ Տիգրան Խաչատրյանը նշեց, որ որևէ տարբերություն չկա: «Մենք այսօր էլ ունենք բնակարանի վարձակալության աջակցության ծրագիրը և մինչև 2024 թվականի վերջ աջակցելու ենք, և չի եղել այդպիսի դեպք ու չկա այնպիսի կարգավորում, որը ենթադրում է, որ քաղաքացիություն ստանալու դեպքում այդ աջակցությունը կդադարի»,- ասաց նա և նշեց, որ իրենք շարունակում են օգտվել այդ աջակցությունից նույն կերպ:

Նշենք, որ կառավարությունը ընդունեց ԼՂ-ից տեղահանվածների բնակարանային ծրագրի որոշման նախագիծը:

379