Ուկրաինայում հակամարտության երկարացման մեղավորը Մեծ Բրիտանիայի և նրա դաշնակիցների գործողություններն են, որոնք թույլ չտվեցին Մոսկվային և Կիևին հասնել խաղաղության, ասել է Չինաստանի ԱԳՆ խոսնակ Վան Վենբինը։
Ճեպազրույցի ժամանակ Վենբինն ասել է, որ տեղեկություններ կան, որ երկու երկրները՝ Ռուսաստանն ու Ուկրաինան, մոտ էին հակամարտությունը դադարեցնելու համաձայնության գալուն։ Սակայն Բրիտանիայի և այլ կողմերի խոչընդոտները խանգարեցին դրան, և հակամարտությունը «շարունակվում է մինչ օրս»:

Դիվանագետը նախազգուշացրել է, որ «Չինաստանին արատավորելը չի ​​փոխի Լոնդոնի անարդյունավետ դիրքորոշումը ուկրաինական հարցում և չի լուծի Բրիտանիայի սուր խնդիրները երկրի ներսում», իսկ ՉԺՀ-ն, նրա խոսքով, «կշարունակի պաշտպանել իր օրինական իրավունքներն ու շահերը»: