Գործընթացը չի կանգնել, գործընթացը շարունակվում է և բավական մեծ տեմպով է առաջ գնում թե հաշվարկների, թե փաթեթի և ամբողջ ապագայում ստեղծվելիք ինստիտուտների առումով: Այս մասին այսօր կառավարության նիստից հետո լրագրողների հետ ճեպազրույցի ժամանակ ասաց Առողջապահության նախարար Անահիտ Ավանեսյանը՝ անդրադառնալով առողջապահության ապահովագրության պարտադիր համակարգին:

«Նման մեծ ռեֆորմի քննարկման ժամկետները կարող են շեղվել և մեր գործընկերների կողմից որոշակի լրացուցիչ հաշվարկներ են իրականացվում, գործընթացը մեծ տեմպերով առաջ է գնում»,- ասաց նա:

Անդրադառնալով հարցին, թե կհանդիպի Բագրատ սրբազանի հետ, Անահիտ Ավանեսյանն ասաց՝ ոչ: «Կարծեմ՝ Բագրատ սրբազանը հանդիպում է ոչ թե հոգևոր հարցեր քննարկելու, այլ՝ այլ նպատակներով»,- ասաց նա:

 

556