ԿԳՄՍ նախարարության աջակցությամբ «Արվեստի բաց հարթակ» հասարակական կազմակերպությունը Գեղարքունիքի մարզի 4 բնակավայրում իրականացնում է «4-օրյա կինոաշխատարան» ծրագիրը:

Ծրագիրը մեկնարկել է մարտից Գեղարքունիքի մարզի Սոթք սահմանամերձ գյուղում: Այնուհետ այն իրականացվել է նաև Վարդենիս քաղաքում, որի արդյունքում ստեղծվել է մեկ րոպե տևողությամբ 20 ֆիլմ: Ծրագիրը շարունակվել է Գավառում՝ Գավառի երիտասարդների տանը, որտեղ կինոյում առաջին քայլերն արել է 14 հեղինակ։

Աշխատարանների ընթացքում նկարահանված բոլոր ֆիլմերը մասնակցել են ԿԳՄՍ նախարարության աջակցությամբ անցկացվող «Մէկ կադր» կարճ ֆիլմերի միջազգային 22-րդ փառատոնին։

«4-օրյա կինոաշխատարան» ծրագրի վերջին կանգառը Սևան քաղաքն է: Այն նախատեսվում է իրականացնել հունիսի 22-25-ը Սևանի մշակույթի տանը։

 

297