Հայաստան վերադարձող ոչ մի հայ առանց կեցավայրի չպիտի մնա: Այսօր կառավարության նիստից հետո լրագրողների հետ ճեպազրույցում ասաց Սփյուռքի հարցերով գլխավոր հանձնակատար Զարեհ Սինանյանը: 

 

«Հիմա աշխատում ենք այդ ուղղությամբ, և դա ամենաբարդ հարցն է: Բնականաբար, տրամադրված ենք այդ հարցին լուծում տալ»,-  անդրադառնալով Լիբանանից հայրենիք վերադարձողների կեցության հարցին՝ նշեց Սփյուռքի հարցերով գլխավոր հանձնակատարը:

Սինանյանը ճեպազրույցի ժամանակ ասաց, որ ինքը շաբաթ օրը մեկնում է Լիբանան և տեղում իրատեսորեն կծանոթանա իրավիճակին: 

 

«Հայաստան գալու ցանկացողների թիվը շատ մեծ է, բայց չկա որևէ առարկայական թվային հաշվարկ այդ անձանց, այդ իսկ պատճառով մեր գործը դժվարանում է»,- շեշտեց Զարեհ Սինանյանը: 

 

 

518