Ուկրաինան և Մեծ Բրիտանիան վարկային համաձայնագիր են ստորագրել Կիևին 2 միլիարդ ֆունտ ստեռլինգ (2,6 միլիարդ դոլար) հատկացնելու մասին՝ Ուկրաինայի զինված ուժերի համար զենք գնելու համար, հայտնում է Ուկրաինայի պաշտպանության նախարարությունը։

«Ուկրաինան և Մեծ Բրիտանիան ստորագրել են 2 միլիարդ ֆունտ ստեռլինգի վարկային պայմանագիր՝ Ուկրաինայի պաշտպանական կարիքները ֆինանսավորելու համար»,- ասվում է Ուկրաինայի պաշտպանության նախարարության Telegram ալիքում հրապարակված հաղորդագրության մեջ։

Գերատեսչությունում պարզաբանել են, որ վարկը տրամադրվում է 15 տարի ժամկետով՝ երկարաձգման հնարավորությամբ և շահավետ տոկոսադրույքով։ Գումարի նպատակային օգտագործման նկատմամբ վերահսկողությունը կիրականացնի երկու երկրների ներկայացուցիչներից կազմված հանձնաժողովը։