Վենեսուելայի ընտրական հանձնաժողովը հայտարարել է, որ գործող նախագահ Նիկոլաս Մադուրոն հաղթել է կիրակի կայացած նախագահական ընտրություններում։ Ընդդիմությունը վստահ է, որ իր թեկնածու Էդմունդո Գոնսալեսը պետք է հաղթեր. այս մասին էին փասում նաև հարցման արդյունքները։
Ազգային ընտրական խորհուրդը, որը վերահսկվում է Մադուրոյի և նրա Միացյալ սոցիալիստական կուսակցության կողմից, հայտարարել է, որ քվեաթերթիկների 80 տոկոսը մշակելուց հետո գործող նախագահը ստացել է ձայների 51,2 տոկոսը, իսկ միասնական ընդդիմության թեկնածու Էդմունդո Գոնսալեսը՝ 44 տոկոսը։
Նախընտրական հարցումները և էքզիթ փոլերը ցույց են տվել, որ Գոնսալեսը մեծ առավելություն ունի Մադուրոյի նկատմամբ, որը կառավարել է 11 տարի և նրա օրոք Վենեսուելայի տնտեսությունը փլուզվել է։
Մադուրոն արդյունքների հրապարակումից հետո ասել է, որ իր հաղթանակը խաղաղության և կայունության հաղթանակն է։