Բաժանորդագրվեք araratnews-ի տելեգրամ ալիքին։
Սեպտեմբերի 4-6-ը Պեկինում կայանալիք Չինաստան-Աֆրիկա համագործակցության (FOCAC) գագաթնաժողովը կլինի վերջին տարիներին Չինաստանի կողմից կազմակերպված ամենամեծ դիվանագիտական միջոցառումը և կներգրավի ամենամեծ թվով օտարերկրյա առաջնորդների: Այս մասին միջոցառման նախօրեին գրել է չինական Global Times թերթը։
Հրատարակության տվյալներով՝ Չինաստանի նախագահ Սի Ծինփինից բացի, ֆորումին կմասնակցեն աֆրիկյան ավելի քան 50 երկրների ղեկավարներ, ինչպես նաև աֆրիկյան տարածաշրջանային և միջազգային կազմակերպությունների ներկայացուցիչներ, այդ թվում՝ ՄԱԿ-ի գլխավոր քարտուղար Անտոնիո Գուտերեշը։ Հանդիպման թեման է «Միացնել ջանքերը` խթանելու արդիականացումը և կառուցել ընդհանուր ապագայով բարձր մակարդակի Չինաստան-Աֆրիկա համայնք»:
Չինաստան-Աֆրիկա համագործակցության գործնական նշանակությունը, նշում է թերթը, «շարունակում է աճել և զարգանալ՝ ցուցադրելով իր համապարփակ և ռազմավարական բնույթը» այն ժամանակ, երբ աֆրիկյան մայրցամաքը վճռորոշ պահ է ապրում արդիականացման ուղու և մոդելի որոնման մեջ։