Բաժանորդագրվեք araratnews-ի տելեգրամ ալիքին։
Մեծ Բրիտանիայում վերապատրաստվել է Ուկրաինայի զինված ուժերի մոտ 43 հազար զինվորական։ Այս մասին հայտարարել է Ուկրաինայում թագավորության դեսպան Մարտին Հարիսը։
«Մենք աջակցում ենք Ուկրաինայի զինված ուժերին վարժանքներով․ այս պահին 43 հազար ուկրաինացի զինվորներ վերապատրաստվում են Մեծ Բրիտանիայում»,- ասել է նա Ուկրաինայի ազգային հեռուստամարաթոնի եթերում։
2015 թվականից մինչև 2022 թվականի փետրվարը «Օրբիտալ» գործողության շրջանակներում Մեծ Բրիտանիան վերապատրաստել է 22 հազար ուկրաինացի զինվորականների։ Ուկրաինայում ռուսական հատուկ ռազմական գործողության մեկնարկից որոշ ժամանակ առաջ այս ծրագիրը սահմանափակվել է։
2022 թվականի ամռանը Թագավորության պաշտպանության նախարարությունը սկսեց «Ինտերֆլեքս» գործողությունը։ Այս ծրագրի իրականացմանը միացել են նաև սկանդինավյան և բալթյան երկրները, Ավստրալիան և Կանադան՝ ուկրաինական զինված ուժերի մարտիկների պատրաստման համար։